8 қыркүйек күні Отбасы күніне арналған ерекше іс-шара таза ауада, табиғат аясында өтті. Балаларға алдын ала айтпастан, ағаштарға олардың отбасылық суреттерін іліп қойылды. Балалар сыртқа шыққанда өз суреттерін көріп, ерекше қуанып, қызығушылықпен әрқайсысы өз отбасын іздеп тапты. Тапқан суреттеріндегі жақындарын атап, отбасы мүшелері туралы әңгімелеп берді. Содан соң отбасы тақырыбындағы боямақтарды бояп, топ-топ болып отбасы туралы тақпақтарын мәнерлеп айтты.

Бала үшін отбасы — ең алғашқы тәрбие мектебі, мейірім мен махаббаттың мекені. Ал біз үшін баланың жүрегіне отбасын құрметтеу, жақындарын қадірлеу, бір-біріне деген сүйіспеншілікті сіңіру — үлкен міндет. «Отбасы – алтын бесік,Отбасы – бақыт мекені!»